聖誕有感

一年當中，聖誕節是我最喜歡的節日，因為我曾經的無知，現在回想起來，我原來比很多人都要幸福的！

很小的時候開始，每年聖誕節的那天，當我睡醒了，睜開雙眼，懸掛在床邊的聖誕襪子都盛滿了禮物，甚至有些需要用繩子挷在襪子外。

可是，當我把這事告訴同學，他們都說我傻，世上是沒有聖誕老人的。爸爸卻告訴我，聖誕老人只會派禮物給乖的孩子，我更自以為自己是特別受寵愛的，也不願相信世界上沒有聖誕老人這回事！

每一年的平安夜，我都懷著滿心的期待，期待著聖誕老人送給我的聖誕禮物。

忘了是那一年，我問爸爸，聖誕老人怎樣派禮物給我的，他說是他開門給他。我也曾經想過，不去睡，待聖誕老人來的時候，向他說句謝謝！可惜，在床上，不知不覺便進入夢鄉，一覺醒來，已是第二天。

我仍然告訴朋友、同學，我收到聖誕老人的禮物，他們仍是說我傻，說沒認識有人曾收到聖誕老人送的禮物。然而我沒有進一步求證別人口中所說的話，每一年的聖誕節，收到襪子滿滿的禮物，幸福的感覺在我心頭，揮之不去。

在我上了中學，那年的聖誕節，我的好夢幻滅了！原來世界上真的沒有聖誕老人，我所以為的那個，只是爸爸假裝的，趁我睡了，悄悄把禮物放進襪子而已！爸爸說，我長大了，給我額外的零用錢挑選自己喜歡的東西會實際一點。

失落的感覺令我想躲起來大哭一場，我知道，以後的以後，我都不會收到那些禮物了，我所以為的幸福，是虛假的！

現在才發現，曾經，「聖誕老人」給我的幸福，更突顯爸爸給我的幸福是與別不同的、更值得回味！

留給百厭妹的說話

百厭妹：

呢排成日去街，無乜時間照顧妳o地幾個，終於前幾日有o的時間，就將妳抱o係手心，摸o下妳！但妳好百厭，兩次都o係我手心跳落地，好怕妳會受傷，但妳仍然好活潑。估唔到，o個次就係我最後一次抱妳，連妳一面我都再見唔到！

昨晚為妳o地添糧o既時候，發覺o的糧原封不動，好奇怪，拍極籠妳都無反應，我用牙簽好小心咁撥開o的木糠，我先至發覺妳唔見o左！門無打開過，係個頂蓋唔實，可能就係咁，妳走o左出o黎！

妳餓唔餓呀？我放o左o的o野食o係個食物兜，再放o係地下，但經過o左一晚，妳都無食過o的糧！我唔知可以點搵妳，大門曾經打開過，可能，妳已經唔o係屋企，走o左出去喇！

記得之前，妳成日o係個籠度爬上爬落，又咬籠，好百厭！所以，我又再買過個大籠俾妳，等妳夜晚可以跑，因為個跑球好靜，咁妳就可以靜靜咁跑足成日。o係幾個月前，妳突然變得好似無重量咁，好輕。我先發覺，妳半夜困o係跑球入面，之後就算我封o左跑球，妳都無再重番！近期，個籠爛o左，唔駛封跑球妳都無得跑，但我知妳好唔開心，係咁用手抓個跑球。

o係我發現妳唔見o左到宜家，我都迫自己唔好喊，唔想接受妳已經離開o左我，預感話我知，我會搵番妳。如果妳o係度o既，快o的出番o黎，我好掛住妳，真係好想再抱妳。

開門o既時候，好想妳會第一時間衝出o黎，企o係門口望住o的食物。每次換糧o個陣，妳都好緊張，好似想咬我咁。雖然係咁，但妳仍然係咁得我鍾意，妳有永遠用唔盡o既活力，只係定定咁望住妳，已經可以感受到妳有幾咁開心！

百厭妹，妳有無掛住我？好想好想，妳會返番o黎我身邊，我會好好愛錫妳！

留給怕醜草的說話

怕醜草：

妳o既離去，我實在接受唔到！好似平日咁，我放工番到屋企就睇妳同埋其他鼠鼠，當我發現妳無故吊在半空，我先至發現妳卡o左o係上層鐵枝與鐵枝之間o既位置！我唔知道點解會咁樣，1CM距離o既鐵枝，妳有乜可能會夾到咁？

妳o既身體已經僵硬o左，我知道，妳離開o左我！但係，一時間，因為妳實在夾得太緊、太緊，我唔知點可以將妳放落o黎！阿爸番到o黎，佢叫我用鉗鉗碎妳，先至將妳拎出o黎！但我又點做得出呢？後來，都係夾開o左o的鐵枝，花o左唔少時間先可以將妳拎出o黎！o個個過程，我實在難過都唔識講，個心好痛好痛，我知道妳一定掙扎過！

救出o左妳之後，我真係有諗過將妳變成標本，永遠留o係我身邊，我係咪好傻？由始至終，我都唔俾自己喊，要自己冷靜。但當哥哥打俾我，我講唔出口話妳已經離開我，我只係不斷咁喊，一邊諗起妳！

哭過後，平服o左之後，無論係o係ICQ抑或係討論區，一提起妳o既離去，我o既眼淚就好似缺堤咁，o係咁流，我唔知自己可以點，妳明白嗎？係咪我對妳唔好，所以妳要咁懲罰我？

每次妳總愛躲在一角、每次我打開門，妳都會企o係門口，然後爬上o黎！每次都係o係餵妳食芝士o既時候，妳先會親近我，睇到妳開心，我都覺得自己因為妳開心而開心喇！

尋晚換o左新籠，妳不斷咁抓木糠，又縮o係食物盤同樓梯之間o訓覺，我打開門幫妳影相，妳就伸個頭出來望o下我！妳好乖，竟然無偷走出o黎，我伸手指o係籠邊，妳就好似食芝士o個陣咁，走埋o黎！

我會記住妳有幾咁怕醜，我伸手想摸妳，妳就避開我，遞起雙手，有時妳又會走得好快！但我無唔開心妳唔親我，反而覺得妳可愛得不得了！妳怕醜o既表現，令我更加愛錫妳，可惜?

我會永遠都記住妳，妳o既一舉一動已無法重溫，只係能夠o係我回憶裏面長存！我愛妳，我終於都知道，我原來比我想像之中更加愛妳！

從沒發現的感動

今天心血來潮找回昔日的網頁文章，發現很多也不翼而飛，幸好上GEOCITIES還可以找回所有的檔案！無意中看到兩篇寫給鼠鼠的留言，我仍像昔日失去了牠們那樣哭。曾經以為，時間可以沖淡一切，原來，只是把感覺埋藏得很深而已！

昔日的留言，只留給兩隻鼠鼠，往後的也沒有再寫，心情難在太難受吧。但不代表我忘記了牠們，在我心目中，每一隻也忘記不了！

日後應該會把昔日在網頁的文章放上來，自己也會寫新的文章，自己的網頁將會關閉了，謝謝來網頁探望過我的朋友！而且放在XANGA會比較輕鬆，做網頁於我來說也太吃力了吧！

新年

新年曾經是我最不喜歡的節日，
可是當新年越來越不像樣，
我卻懷念它昔日的種種。

小時候，爺爺還在，
來拜年的人很多，
新年禮物一盒接一盒，
紅封包紛紛往我手裏塞。

身上穿著新衣，
紅紅的小手袋，
讓來者盛讚可愛。
唯一害怕功課沒時間完成，
只好邊做功課邊等待。

若干年後，爺爺不在了。
來拜年的人消失了許多，
沒有了穿新衣的喜悅，
也沒有吃不完的新年禮盒。

當我開始懂事，
我開始討厭新年，
害怕面對陌生人、不熟絡的人不懂說話。
寂寞的時候害怕致電給朋友，
其父母的「恭喜發財」令我不知所措。

只有沒來人來我家拜年的時刻，
我才可以逃到樓下買煙花玩，
火箭炮、鑽地龍、龍吐珠。
和鄰居在大堂玩，
嘻嘻哈哈的歡樂聲始起彼落，
我便這樣被熱鬧包圍了好一陣子。

舞獅的鑼鼓聲很吵耳，
關上門了仍清晰可聽，
舞獅隊的人用棍子敲在我家的木門上，
我被嚇得躲進被窩。

當煙花成為禁售品，
我已經沒有溜到樓下的必要，
熟悉的鄰居遷到別處，
新年的熱鬧，離我遠了。

舞獅沒有看見，
鑼鼓聲也聽不見，
只有電視毫不吸引的新年節目，
在哪兒看到新年應有的熱鬧，
可是，關上電視，一切與我無關。

昨天大年初一，
父母竟說沒有預備全盒。
新年彷彿不存在了，
我才驚覺自己已經錯過了許多。